أنا مصممة جرافيك بشتغل على تطوير مهاراتي يوم بعد يوم، وبحب أقدّم تصاميم بسيطة وواضحة تساعد العميل يوصّل فكرته بشكل لطيف ومنظّم. اشتغلت قبل كده في التعليم وخدمة العملاء، وده علّمني إزاي أتواصل بشكل محترم، وأنظّم وقتي، وأنجز شغلي من غير لخبطة. وخلال فترة التدريب في التصميم، اتعلمت أشتغل على البوسترات، البراند البسيط، وقوالب السوشيال ميديا باستخدام Photoshop وIllustrator وInDesign، ومن وقتها وأنا بتمرّن وبطوّر نفسي باستمرار. وبقي عندي فهم أحسن لاحتياجات العميل، وقدرت أحوّل الكلام اللي بيوصلني لتصميم هادي وواضح ورايق، ويناسب هويّته بالظبط. أنا شخص بيهتم بالتفاصيل وبحرص دايمًا إن شغلي يطلع منسّق ونضيف وشكله احترافي. ومن خبراتي اللي فاتت، قدرت أقدّم حلول بسرعة، وألتزم بالمواعيد، وده خلّى الناس اللي اشتغلت معاهم يثقوا في شغلي. ولو محتاج حد يسمعك، ويفهم طلبك، ويقدّم لك نتيجة مظبوطة وفي وقتها يسعدني ، نشتغل مع بعض.