السلام عليكم ورحمة الله وبركاته، أنا روان، مصممة جرافيك شغوفة بمجالي، شايفة إن التصميم مش مجرد صور وألوان، لكنه رسالة بصرية بتوصل فكرة وتبني انطباع حقيقي عنك وعن مشروعك. يمكن كتير من الناس يشوفوا إن التصميم سهل أو مجرد شكل جمالي، لكن الحقيقة إن كل تفصيلة صغيرة فيه بتفرق وبتصنع فرق كبير.
اشتغلت مع عملاء متنوعين، وكل مرة كنت بحس إن التحدي مش بس في تنفيذ التصميم، لكن في إنّي أقرأ فكر العميل وأحوّله لهوية بصرية واضحة ومميزة. يمكن التعب والمجهود ساعات يكونوا كتير، لكن اللحظة اللي العميل يشوف فيها شغله في أحسن صورة هي اللي بتخلي كل ده يستاهل.
أنا مؤمنة إن النجاح في مجالي بييجي من الجمع بين الدقة والإبداع، ومن إن المصمم يكون مرن ويسمع للعميل ويشاركه رحلته، مش يدي له ملف جاهز وخلاص.
هدفي دائمًا أن أقدّم لك تصاميم ترفع من قيمة مشروعك وتترك انطباعًا قويًا لدى جمهورك .
فلو بتدور على مصممة تشتغل معاك بإخلاص وتكون شريك نجاحك، يبقى يشرّفني أشاركك رحلتك ونبدأ مع بعض.
