السلام عليكم، حابب أعرّفك بنفسي كشخص فاهم كويس قوي قد إيه التفكير والتعب اللي بيتبذل عشان يطلع لوجو أو ديزاين أو إعلان فيديو يعبّر فعلًا عن المشروع. من أول دوشة الأفكار، لحد محاولات التنفيذ، وفي الآخر ساعات النتيجة ما بتطلعش بالشكل اللي صاحب المشروع كان متخيله. ليه بقول كده؟ لأني اشتغلت مع عملاء كتير، منهم اللي كان بيبدأ مشروعه من الصفر وعايز هوية بصرية تعبّر عنه، ومنهم اللي مشروعه قائم فعلًا بس محتاج تطوير في اللوجو أو الديزاينات أو إعلانات أقوى توصل رسالته بشكل أوضح. كمان تخصصت في تصميم فيديوهات إعلانية باستخدام الذكاء الاصطناعي (AI)، عشان أقدّم إعلانات عصرية، سريعة، ومؤثرة، تناسب السوشيال ميديا وتشد انتباه الجمهور من أول ثانية و برضو تكون التكلفه في المتناول. اللي يهمني دايمًا إن الشغل يطلع مظبوط، مع فهم حقيقي لاحتياج العميل، من غير وعود مبالغ فيها، ولا كلام تسويقي فاضي. شغل عملي، أفكار واضحة، وتسليم في الميعاد. لو بتدور على لوجو مميز، ديزاين احترافي، أو فيديو إعلان يشد الانتباه ويعبّر عن مشروعك صح، يسعدني نتشارك الرحلة ونبدأ على بركة الله.