ما عندكش موقع إلكتروني أو تطبيق موبايل لشغلك؟ أو خايف إن المصمم ما يوصّفش صورتك بالشكل الصح؟ خليني أساعدك! أنا حنين محمد، مصممة UI/UX عندي سنة من الخبرة في تصميم تطبيقات الويب والموبايل من خلال مشاركتي في مسابقات تطوير البرمجيات والهاكاثونات كمحللة أعمال وباحثة تجربة مستخدم - UX Researcher و كمان اتدربت في مبادرة رواد مصر الرقمية (DEPI) تحت إشراف مدرب معتمد من Adobe، وده ساعدني أطور من مهاراتي بشكل احترافي! التصميمات اللي بقدمها مش مجرد شكل حلو! أنا باشتغل على: تجربة مستخدم ذكية ومريحة: بتخلّي اللي يدخل تطبيقك أو موقعك يعرف يوصل للي هو عايزه بسهولة، ويستمتع باستخدامه لدرجة تخليه يرجع تاني ويحب يتعامل معاك. تصميمات متجاوبة (Responsive): سواء المستخدم بيشوف التصميم على موبايل، تابلت، أو لابتوب – هيكون عنده نفس التجربة الممتازة بدون أي مشاكل أو ارتباك. واجهات سهلة وسلسة (User-friendly): أؤمن إن الجمال في البساطة، عشان كده باهتم إن الواجهات تكون مفهومة لأي مستخدم مهما كان مستواه. ليه تختارني؟ كوني رئيسة لجنة العلاقات العامة وجمع التبرعات في فريق CIS Team MU، اكتسبت مهارات زي: - إعداد المقترحات - إدارة مالية ووضع الميزانيات - جمع التبرعات للأنشطة الطلابية الغير ربحية - التحدث أمام الجمهور - مهارات التفاوض والتواصل الأدوات اللي بشتغل بيها حاليًا وبأتقن استخدامها: Figma, FigJam, Adobe Photoshop, Adobe Illustrator, Adobe XD, Trello & Notion مستنية أسمع منك بفارغ الصبر! خلينا نشتغل سوا ونحوّل أفكارك لتصاميم تلامس جمهورك وتوصل رسالتك بوضوح.