أنا فيلوباتير مايكل، شغال فرونت إيند بقالي 3 سنين. لو عندك تصميم وعايز تحوله لموقع حقيقي، أو عندك فكرة وعايز تبدأها صح من الصفر، أنا هنا عشان أساعدك. ​بشتغل بـ HTML, CSS, JavaScript وبترجم بيهم أي شكل في خيالك لصفحة ويب سريعة، شكلها شيك، والأهم إنها "Responsive" يعني شغالة زي الفل على الموبايل والتابلت والكمبيوتر من غير أي مشاكل. ليه نشتغل مع بعض؟ ​خبرة 3 سنين: يعني مريت بمشاكل كتير وحلتها، فمش هضيع وقتك في تجارب. ​كود نضيف: بهتم جداً إن الكود يكون منظم وسهل يتعدل عليه بعدين، مش مجرد "شغل شغال وخلاص". ​أدوات مساعدة: بجانب الكود، أنا برنس في الـ Word و PowerPoint، يعني لو محتاج ملفات شرح للمشروع، تقارير منظمة، أو حتى بريزنتيشن احترافية تعرض بيها شغلك، هعملهالك بأعلى جودة. ​الأمانة والمواعيد: هقولك الحقيقة في وقت التسليم وهلتزم بيه، لأن سمعتي هي رأس مالي. ​أنا مش بس بكتب كود، أنا بحب اللي بعمله وبحب أشوف المشروع ناجح وصاحبه مبسوط بيه. ​لو عندك أي استفسار أو مشروع عايز نبدأ فيه، ابعتلي ومستني ندردش في التفاصيل!