السلام عليكم، حابّة أقدّم نفسي بإنّي من الناس اللي بتفهم كويس قد إيه الرحلة في تحليل البيانات ممكن تكون مُرهِقة، من أول جمع البيانات وتنظيفها، لحد ما توصّلي لداشبورد واضح يجاوب على أسئلة العمل… ورغم كل ده أحيانًا متلاقيش القرار الصح اتاخد أو الشغل اتقدّر بالشكل اللي تتوقعيه. ليه بقول كده؟ لأني اشتغلت مع شركات وأفراد في مشاريع مختلفة… منهم اللي كان لسه بيبني نظام التحليل من الصفر فكنت جزء من رحلته من أول تحديد الـ KPIs لحد ما يشوف أول تقرير تفاعلي بيحرك عنده قرارات حقيقية. ومنهم اللي كان شغال بقاله فترة بس محتاج حد يشوف الصورة الكبيرة ويحدد فين المشكلة: هل في البيانات؟ ولا في طريقة التحليل؟ ولا في عرض النتائج والتقارير؟ اشتغلت على أدوات مختلفة زي Excel وSQL وPower BI وPython، وده خلاني أفهم الاحتياجات المتنوعة لكل مشروع… ومش بس كده، بدأت أشارك خبرتي مع ناس مهتمين تتعلّم المجال، وقدرت أساعد كتير يبدأوا أول خطواتهم بثقة ووضوح في طريق الـ Data Analysis. وعشان كده هتلاقيني دايمًا معاك في أي خطوة تخص بياناتك… من أول سؤال بسيط لحد بناء نظام تقارير كامل، بدون وعود مبالغ فيها ولا نتائج خيالية. لأن أكبر مشكلة كانت بتواجه ناس كتير إنهم مش فاهمين البيانات بتتحرك إزاي، ومحتاجين حد يوجّههم بوضوح وأمانة. فإيه رأيك نبدأ الرحلة دي سوا؟ وأشاركك حماسك… وتبني قرارات أقوى مبنية على بيانات حقيقية؟