أنا مصممة جرافيك من مصر، خريجة كلية الفنون الجميلة قسم جرافيك، وده خلاني أكون عندي خلفية فنية قوية وأساسات تصميم مدروسة، مش مجرد شغل شكله حلو وخلاص.
بشتغل على تصميم اللوجوهات، الهوية البصرية، والسوشيال ميديا بشكل احترافي، ودايمًا بحط في دماغي إن التصميم مش بس ألوان وأشكال، هو وسيلة بتوصّل رسالة وبتبني ثقة الناس في البراند.
بساعدك تبني براند متكامل يبقى سهل الناس تفتكره، ويعبر عنك، ويخلي شغلك أو مشروعك يبان بشكل احترافي ويحقق مبيعات أكتر.
لو لسه بتبدأ، أو عندك مشروع ومحتاج له شكل وهوية تبين قيمته، فأنا هنا علشان أساعدك توصل للناس بشكل صح، وتخلق تأثير بصري يفضل في دماغ العميل.
