أنا محلل بيانات، بس أحب أعرّف نفسي كـ"منظف محترف"… مش للأوضة ولا المطبخ، لأ، للـ Data اللي بتبقى شكلها مرعب أول ما تشوفها!
القيم المفقودة؟ الأخطاء الغريبة اللي محدش فاهمها؟ الأرقام اللي داخلة في النصوص؟ سيب ده كله عليا… أنا بدخل كأني سبايدرمان وأطلعلك بيانات متوضبة ومرتبة جاهزة للتحليل.
قصتي بدأت لما اكتشفت إن البيانات شبه المسلسلات: لو شفتها كأرقام هتزهق، لكن لو حللتها هتلاقي فيها دراما، كوميديا، وأحيانًا حبكة أحسن من نتفلكس.
الخدمات اللي بقدمها:
تنظيف البيانات: بـ Python + Pandas + NumPy، بخلي أي Dataset تبقى أنضف من ترابيزة عريس قبل الفرح.
تصوير البيانات: بحوّل الأرقام لـ رسوم بيانية جذابة باستخدام Matplotlib & Seaborn تخلي أي معلومة باينة من أول نظرة.
تحليل البيانات: بفتش ورا الأرقام عشان أستخرج الأنماط، التريندات، وأجاوب على سؤال: "إيه اللي البيانات بتحاول تقولهولنا؟".
استخراج البيانات (Web Scraping): لو البيانات مش موجودة عندك، أنا أجيبها من الإنترنت (قانونيًا أكيد) باستخدام Python.
قواعد البيانات (SQL/MySQL): بعرف أكتب Queries ذكية وأسحبلك المعلومة اللي عايزها بسرعة وبدون صداع.
خلفية بسيطة:
طالب بكلية حاسبات و معلومات السنة الرابعة، بس بحب أتعامل مع البيانات كأني بلعب لعبة ألغاز: كل رقم له مكانه وكل نمط وراه سر.
اتعلمت أعتمد على البرمجة في كل حاجة بدل الإكسيل (يعني إنت جايلي عشان السرعة، مش Copy/Paste).
شغوف بالـ Data Science وبحب أقدّم حلول بسيطة ومفهومة حتى لو الداتا شكلها معقد.شخصية
