لم يكتالسلام عليكم حابب أقدم نفسي كواحد من الناس اللي بتشوف الأرقام بشكل مختلف… مش مجرد أرقام وخلاص، لكن قصة كاملة ورا كل رقم. أنا محلل بيانات بخلفية دراسية في كلية التجارة ومبادرة رواد مصر الرقمية، وعندي شغف إني أحول الداتا لمعلومات واضحة تساعدك تاخد قرار صح بثقة. اشتغلت على مشاريع مختلفة في تحليل المبيعات، حساب التكاليف، استخراج المؤشرات، وبناء داشبورد تفاعلية بتوضح الصورة الكاملة لأي نشاط. ليه بقول كده؟ لأني مؤمن إن المشكلة مش في نقص البيانات… المشكلة في فهمها. كتير من أصحاب المشاريع بيكون عندهم داتا كتير، لكن مش عارفين يستفيدوا منها أو يربطوا بينها بشكل يخدم قراراتهم. هنا بييجي دوري. بستخدم أدوات زي Excel وPower BI عشان أبني تقارير واضحة، منظمة، وسهلة الفهم، تقدر من خلالها تعرف: * فين مصدر الربح الحقيقي * فين الهدر أو ارتفاع التكلفة * إيه المنتجات أو الخدمات اللي محتاجة دعم * وإزاي تخطط للفترة الجاية بأرقام مش بتوقعات هدفي إني أكون شريك في نجاح مشروعك، مش مجرد شخص بيطلع تقرير وخلاص. الأمانة، الدقة، وإتقان العمل عندي مسؤولية قدام ربنا قبل أي حد. قال رسول الله ﷺ: «إِنَّ اللَّهَ يُحِبُّ إِذَا عَمِلَ أَحَدُكُمْ عَمَلًا أَنْ يُتْقِنَهُ» لو حابب تطور شغلك بأرقام واضحة وتحليل دقيق… يشرفني نبدأ سوا.