اسمي عبدالرحمن عبد الرحيم، وبدأت في مجال التكنولوجيا من وأنا صغير، تحديدًا 13 سنة . عشت أغلب حياتي برة مصر ورجعت هنا فترة الجامعة، ومن وأنا صغير كنت بحب التحدي وشاركت في مسابقات الروبوتات كتير وخدت مراكز أولى كتير . من صغري بحب أفَرّح اللي حوالي وأساعد غيري، وده كان دايمًا بيخليني مبسوط. رغم إني اتقبلت هندسة حكومي، قررت ألتحق بكلية الذكاء الاصطناعي عشان شغفي بالمجال كان أكبر. الحمد لله، خلال ٣ سنين دراسة جامعة جبت تقديرات جميلة ، وخدت لقب "Ideal Student" على مستوى الجامعة، وكمان اترشحت على مستوى الجامعات المصرية الحكومية والأهلية ك Ideal student. بدأت أشتغل في السوق في إجازة تانية بالجامعة، وأول فلوس اخدها طلبت من والدي احولهالة كنت وقتها عايش لوحدي من منطلق انت ومالك لآبيك ، بجد اهلي دايمًا سند ليا ومهما عملت مش هقدر أشكرهم كفاية. دلوقتي شغال بجد، مستمر وبحب أطبق كل اللي اتعلمته، ومؤمن إن الشغل الصح والخبرة العملية هما الطريق للنجاح.