بياناتك فيها تفاصيل كتير؟ خليني أطلع لك منها الخلاصة اللي تفرق في قراراتك أهلاً بيك، أنا محللة بيانات شغوفة بتحليل الارقام العشوائية لقرارات واضحة تنور الطريق للمستقبل. شغلي الأساسي إني أساعد الشركات تلاقي المشكلة و اوججها لطريقة حلها. الحكاية مش مجرد أرقام في جداول، الفكرة إزاي نقرأ اللي بين السطور ونطلع "الأنماط" والتريندات اللي بتصنع الفرق فعلاً. بستخدم خبرتي في Power BI و Cognos عشان أبني لك لوحات تحكم (Dashboards) تحكي القصة ورا الأرقام، وبوظف قوة Excel (Power Query, DAX) و Python وكمان تقنيات الذكاء الاصطناعي عشان نضمن دقة وسرعة في التحليل. ليه نشتغل سوا؟ خبرتي بدأت من بدري: بدأت رحلتي في عالم البيانات من 2013، يعني من قبل ما "محلل البيانات" يبقى مسمى وظيفي دارج. من وقتها وأنا غاوية أفكك المشاكل الصعبة وألاقي حلول ذكية وسط الزحمة. رؤية واقعية: خبرتي اللي أكتر من 7 سنين في قطاع الرعاية الصحية العام، خلتني أقدر أدمج بين المهارة التقنية وبين فهم احتياجات السوق الحقيقية، عشان أقدم لك نتايج تقدر تثق فيها. لو بتدور على حد مهتم بالتفاصيل، وعينه دايماً على "النتيجة" اللي تطور البيزنس.. أنا هنا عشان أحول بياناتك لخطوات عمل فعلية. تقدر تشوف نماذج من شغلي في البورتفوليو الخاص بي: 🔗 (تم اخفاء طريقة التواصل لمخالفة شروط استخدام المنصة) مستنية رسالتك.. خلينا نبدأ نحول بياناتك لفرص نجاح حقيقية!