أنا مصممة UI/UX بشوف إن التصميم مش مجرد ألوان وأشكال، لكنه وسيلة لحل مشكلة حقيقية، ولمساعدة الناس إنهم يوصلوا لهدفهم بطريقة سهلة وواضحة. قبل ما أبدأ أي مشروع، بحب أفهم الفكرة كويس، وأعرف التحدي اللي بيواجه العميل أو المستخدم، علشان أقدر أقدّم حل فعلاً يخدمه مش مجرد شكل جميل. بشتغل بخبرتي وتحليلي عشان أوصل لتصميم يوازن بين الجمال والوظيفية، لأن نجاح أي تجربة بيبدأ من التفاصيل الصغيرة اللي بتفرق. فاهمة كويس إن كل فكرة أو مشروع وراه مجهود كبير، تعب وسهر وتخطيط، وعشان كده دايمًا بحط نفسي مكان العميل وبشتغل بإخلاص كأني بشتغل على مشروعي أنا. بحب أقدّم شغلي بإتقان وضمير، وأسعى دايمًا يكون كل تفصيل فيه مرضي لربنا قبل أي حد، لأن الإخلاص في الشغل هو اللي بيخلّي النتيجة صادقة وتوصل للناس بصدق. في النهاية، نجاح العميل هو نجاحي، لأن لما المشروع ينجح، بيكون ده أكبر دليل إن التعب والنية الصافية بيجيبوا نتيجة.