أنا دينا شافعي. حكايتي مع الإيديتنج بدأت لما فهمت إنه مش زرار بيتداس ولا مشهد بيتقص، الإيديتنج إحساس… وحكاية بتتروى. لما أمسك فيديو، أول حاجة بعملها إني أسمعه قبل ما أشوفه. أحس إيقاعه، مشاعره، ولحظاته. ومن هنا تبدأ القصة تتشكّل، مشاهد سلسة، انتقالات ناعمة، ومحتوى يوصل الإحساس قبل أي كلمة. بحب أشتغل مع البراندات، وكالات الإعلان، وصنّاع محتوى كرة القدم، لأن دي عوالم مليانة طاقة، سرعة، ومشاعر خام محتاجة حد يفهمها وبحوّلها لقصة تشد من أول ثانية وتفضل في الذاكرة. وبجانب الإيديتنج، أنا مصممة جرافيك ومتخصصة في التسويق الإلكتروني. بتعامل مع التصميم مش كـ شكل حلو وخلاص، لكن كل لون، كل خط، وكل تفصيلة ليها دور في حكاية البراند. درست المجال أكاديميًا، واشتغلت عليه في مشاريع حقيقية خلّتني أفهم السوق والجمهور قبل ما أبدأ أي تصميم. سواء كان فيديو، تصميم، أو حملة إعلانية، هدفي دايمًا واحد: إن الفكرة تتحول لقصة… والقصة توصل، وتتحس، وتتعاش.