لم يكتب نبذة شخصيةالسلام عليكم، حابب أقدم نفسي ليك كواحد من الناس اللي اختاروا يحولوا شغفهم بالأرقام والتحليل لشغل احترافي بيساعد الشركات وصناع القرار يفهموا بياناتهم صح، وياخدوا قرارات مبنية على أرقام حقيقية مش توقعات. اشتغلت على مشاريع مختلفة في تحليل البيانات بداية من تنظيف الداتا الخام اللي فيها أخطاء وتكرارات وعدم تنظيم لحد ما تتحول لبيانات جاهزة للتحليل واتخاذ القرار و بستخدم Excel و power bi باحتراف علشان أبني تقارير تفاعلية واضحة وسهلة الفهم توصل المعلومة في أقل وقت وبأبسط شكل. ليه بقول الكلام ده؟ لأني شفت بنفسي قد إيه قرارات كتير بتكون غلط بس بسبب إن الداتا مش متحللة صح أو مش مترتبة بشكل سليم. سواء عندك بيانات مبيعات، مخزون، أداء موظفين، حملات تسويقية أو حتى بيانات أكاديمية دوري إني أحول الأرقام دي لقصّة مفهومة تساعدك تشوف الصورة الكاملة. الخدمة عندي متنوعه وتشمل كل ما يخص البيانات زي: • تنظيف كامل للداتا (Data Cleaning) • معالجة القيم الناقصة والأخطاء • تحليل شامل حسب هدفك • تصميم Dashboard احترافية تفاعلية • شرح النتائج بلغة بسيطة واضحة لو محتاج حد يفهم بياناتك بشكل صحيح ويطلع منها نتائج حقيقية تساعدك تكبر شغلك بدون وعود مش منطقيه فأنا جاهز أبدأ معاك فورًا باذن الله. فايه رأيك نتشارك الرحله والحماس مع بعض؟ ۞ وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۚ كُلٌّ فِي كِتَابٍ مُّبِينٍ (6) (هود)