مطور تطبيقات موبايل | Mobile Developer أهلاً بيك، معاك عبدالله القِران. أنا مطور تطبيقات موبايل بحب أحول الأفكار لمنتجات شغالة بجد. خبرتي الأساسية بدأت من شغلي كمطور في شركة Digithup، وهناك اتعلمت إزاي أبني تطبيقات حقيقية بتخدم عملاء في مجالات مختلفة، وكمان اشتغلت كعمل حر (Freelance). إيه اللي بيميز شغلي؟ عقلية حل المشاكل: بحكم مشاركتي في مسابقة ECPC لعامين ورا بعض، اتعودت أفكر في حل المشاكل البرمجية بشكل ذكي قبل ما أبدأ كتابة أول سطر كود، وده بيخليني أركز على فهم المشروع من أكتر من جانب، مش مجرد كود وخلاص. التواصل والقيادة: بعيداً عن الكود، أنا جربت دور ال Leader في كذا مشروع، وبحب جداً أسمع من الناس وأفهم احتياجاتهم. مؤمن إن نص نجاح أي مشروع هو إن المطور يفهم "البزنس" وعايز يوصل لإيه، مش بس ينفذ المطلوب تقنياً. وبحب دايمًا أفيد وأستفيد من الناس في أي مشروع بدخله. التطوير المستمر: خريج مسار ال Mobile في مبادرة "رواد مصر الرقمية" (DEPI)، وده ساعدني كتير في الناحية التقنية والغير تقنية. ببساطة، أنا هنا عشان أساعدك تطلع تطبيق مريح للمستخدم، وبكود نضيف تقدر تكبره وتطوره بسهوله. لو عندك فكرة ومحتاج حد يفهمك وينفذها بذكاء، خلينا نتكلم.