هلاً بيك،
أنا مازن، طالب في كلية طب الأسنان، وبشتغل في الكتابة، تفريغ المحاضرات، التلخيص، وإعادة صياغة المحتوى بقالي أكتر من 5 سنين. خلال الفترة دي اشتغلت على أنواع مختلفة من المحتوى التعليمي والأكاديمي، ودايمًا هدفي إني أطلع شغل منظم، واضح، وسهل يتقري من غير ما يضيع أي معنى أو معلومة مهمة.
عندي خبرة في تفريغ المحاضرات الصوتية والمرئية وتحويلها لنصوص مكتوبة بشكل احترافي، مع الاهتمام بترتيب الأفكار، تنسيق الملف، وتصحيح الأخطاء اللغوية، سواء الشغل دا كان لطلبة، مدرسين، أو صناع محتوى. وكمان بجهّز تلخيصات مركزة بتجمع أهم النقاط وتسهّل المذاكرة أو المراجعة.
اللي بيميزني في الشغل هو الالتزام بالمواعيد، الدقة في التفاصيل، وسرعة الاستجابة لأي تعديل، لأني بحب يكون في تواصل دايم مع العميل لحد ما نوصل لأفضل نتيجة. قبل ما أبدأ أي مشروع بحرص أفهم المطلوب كويس عشان أقدّم شغل يرضيك من أول مرة.
غير كده، عندي خبرة في إدارة المشاريع أونلاين وخدمة العملاء، وده ساعدني أكون منظم أكتر، أعرف أرتّب المهام، أتابع الشغل خطوة بخطوة، وأتعامل مع أي مشكلة بهدوء واحترافية.
باختصار، لو محتاج حد تعتمد عليه في تفريغ محاضرات، تلخيص، أو كتابة محتوى بجودة كويسة وتسليم في المعاد، هكون سعيد جدًا بالتعاون معاك، وإن شاء الله تطلع من التجربة راضي عن الشغل
