عاوز مسوّق محترف جدًا لإدارة صفحات براند ملابس وزيادة التفاعل والمتابعين

بصراحة أنا جديد في موضوع السوشيال ميديا ومحتاج حد محترف جدًا يمسك معايا الشغل ده ويكبرلي الصفحات بشكل فعلي، مش أرقام وخلاص. أنا عندي براندأحذية، وهوفّر لك كل المحتوى اللي تحتاجه: – صور المنتجات – الأسعار – المواصفات – العروض اللي هنمشي عليها يعني كل حاجة تخص الشغل هتبقى جاهزة عندك. المطلوب منك يكون واضح وصريح: _تكبير صفحات السوشيال ميديا (فيسبوك – إنستجرام). _زيادة التفاعل الحقيقي على البوستات والريلز. _زيادة المتابعين الفعليين المستهدفين مش أرقام فاضية. _إنك تكون فاهم المحتوى بتاع براندات الملابس والأحذية وبتعرف تطلع أفكار مش نسخ ولزق. _وتعرف تضبط شغل إعلانات ولو محتاجين نفتح Ads قدام. عاوز شخص: – شغال في المجال قبل كدا. – عنده نتائج يورّيهالي. – فاهم سوشيال ميديا كويس مش هواية. – ملتزم بالمواعيد وبيعرف يمشي على خطة. اللي يهمني في الآخر: نتيجة – تفاعل – ناس حقيقية – شغل نظيف. لو أنت شايف نفسك مناسب، ابعتلي عرضك، وبعدها نقدر نتفاهم أكتر. وكمان لو عندك جمهور جاهز زي جروب عليه تفاعل أو أنت أصلاً عندك متابعين كتير Influencer فده هيكون ميزة قوية لينا في الشغل، وهيزود فرص التعاون بينّا لأن وجود قاعدة جمهور عندك هيساعد ننطلق أسرع.