تعلم اللغه الكوريه من الصفر حتي الإحتراف 🌸🇰🇷

السلام عليكم جميعا يا رب تكونوا بخير هعرفكم بنفسي الاول معاكم 선생님 마나르 في الكورس دا هنتعلم من الاول خالص الكورس والجروب ده معمول مخصص للمبتدئين فا محدش يقلق خالص لو ميعرفش حاجه عن اللغه او حتى يعرف حاجات بسيطه ان شاء الله بعد الدوره دي هتعرف كل حاجه ونبدا ان شاء الله خطوه خطوه من الصفر لعند لما تتقن الحروف سواء ساكنه او متحركه لان ده هو بدايه الطريق والخطوه الصح اللي لازم نتقن بها او نبدا بيها هيا ؟ اتقان الحروف سواء ساكنه متحركه كتابه ونطق ودا باذن الله هنظبطه مع بعض بعد ما نتقن الحروف كتابه ونطق هنبدا نقرا بعض الجمل البسيطه بحيث نطبق على اللي تعلمناه وما ما تخافش الجمل بسيطه ما فيهاش قواعد للحروف في النطق اللي لسه قدام هنتعلمها لا تقلقوا وبعدين نبدا نشتغل من كتاب هبعته هنا على الجروب هنذاكر منه هنبدا في القواعد بالتوازي طبعا مع القراءه والتحدث وكمان كل فتره هينزل لكم قصه او بودكاست باللغه الكوريه طبعا لازم تسمعوها كل يوم وكل وقت مطلوب منكم تسمعوا فقط ما تكتبوش ولا تترجموا اي حاجه استماع فقط وهكذا معاكم خطوه خطوه ان شاء الله لعند اتقان المستوى الاول وهكون معاكم في اي وقت تحبوه هبعت لكم اليوزرنيم بتاعي على التليجرام هيكون في لايف كل جمعه للاستفسار عن اي حاجه ومتابعه للطلاب هيكون على التليجرام طبعا ممكن ساعه طبعا في اختبار بعد كل محاضره والاسماء طبعا هتتسجل مع الدرجات وفي نهايه الكورس هيتم جمع الدرجات وهيتم ارسال لكل واحد الشهاده الخاصه بيه بيكون في كل اسبوع نشاط جماعي كل خمس اشخاص مع بعض ليهم امتحان معين ونشاط معين والجروب الفائز هياخد 10 درجات زياده لكل واحد فيه يعني لو اي حد في الجروب ده ناقص مثلا في اختبار او ما حضرش او خسر درجات في اي اختبار دي هتعوضك وهتفرق معاك في الشهاده بتاعتك وما تخافوش الجروبات الثانيه اللي مش فازت هتاخد خمس درجات اما الجروب اللي مش شارك في حاجه سيتم استبعاده نهائيا من الكورس وبالتوفيق