طلب تنفيذ طريقة دفع تلقائية لفودافون كاش

محتاج مساعدتك في برمجة طريقة دفع تلقائية لفودافون كاش على موقعي. الفكرة ببساطة إن العميل يدخل بياناته ويتأكد الدفع بشكل أوتوماتيكي. التفاصيل كالتالي: 1. المطلوب: تصميم فورم بسيط فيه: حقل للرقم اللي هيحول منه العميل. حقل للمبلغ اللي هيحول. زر تأكيد، وبمجرد ما العميل يدوس عليه، يتم التحقق من عملية الدفع. 2. آلية العمل: بعد إدخال البيانات والضغط على "تأكيد"، النظام يشيك على رسائل الـSMS الخاصة بفودافون كاش للتأكد من وجود رسالة دفع بنفس الرقم والمبلغ. لو الرسالة موجودة، الرصيد يتضاف لحساب العميل تلقائيًا. 3. ملاحظات مهمة: عايز الطريقة تشتغل حتى لو الجهاز اللي عليه رقم فودافون كاش (الهاتف) مقفول أو مش متصل بالإنترنت. لو ده صعب، ممكن نفكر في حل زي توجيه رسائل الـSMS لبريد إلكتروني أو قاعدة بيانات بحيث نقدر نتابع المدفوعات. لو عندك فكره غير فكرتي اعملها المهم تكون مستقرة في حال الهاتف مغلق او غير متصل بالانترنت التكلفة: 10$