كتابة سيناريو عن " مرضى السرطان والتنمر"

أبطالنا في القصة هما : جميلة : وهي مريضة بكانسر في العظام لكنها تعافت . أمل : وهي مريضة بكانسر في الجلد . وعد : وهي الأخصائية الأجتماعية . ابتسام : الدكتورة المعالجة لحالة جميلة . شوية متنمرين : إلهي ما يتسموا . شوية مبهجين : مش مهم أساميهم كفاية الطاقة الإيجابية اللي منهم🥰 هيبدأ الحوار كالآتي... جميلة : بس تعرفي يا أمل إنك أجمل بنت عرفتها وارتاحت معاها في الكلام وعيزاكي تكوني واثقة من نفسك بلاش الميكب الكتيير لإنه يا قلبي هيضرك ..😢💙 أمل : صدقيني يا جميلة انتي مفيش أجمل منك بس متعرفيش الناس بيبصولي ازاى أصلاً ولا بيقولوا ايه عني وبسمعهم بوداني دول بيقولي علياا ولد بس متداري بشوية ميكب وباروكه..😅💔 جميلة : تحبي أقولك كانوا بيقولي عني ايه؟ ولا أقولك تعالي أحكيلك قصتي من البداية أنا يا ستي وأنا صغيرة شوية عن كده وقعت عادي خالص رجلي ورمت وكل يوم ورمها بقا يزيد لحد ما روحت للدكتور وطلب مني أشاعات كتيير ومن أشااعات لتحاليل ومن تحاليل لجلسات كيماوي لعملياات أكيد طبعااً أنتي عارفة قد ايه الإشعاع وكل ده بيأثر علينا وعلى شعرنا ازاى وجلدنا كنت حرفياً بقابل كل ده بسخرية من نااس لا تعرفني ولا اعرفها ،، بس تعرفي أنا كنت بقعد أعيط كتيير ف الأول ومكنتش ببقى عايزة أنزل نهائي من البيت بس كانوا جنبي أهلي وبعض نااس من صحابي بيدعموني وكمان دكتورة ابتسام نفس المعالجة بتاعتك كانت عليها ابتسامة ودعاء ليا في كل جلسة بيهونوا أي تعب وبرضو مساعدة الأخصائية وعد ليا وكلامها المحفز كان بيقدر يخرجني برا أي حاجة ويديني الحافز على مواجهة أي حاجة وأي حد وبعدين يا ستي بقا اللي يقولي تلت التلاتة كام كنت بكل احترام بكسفه بفهمه قد ايه إنك بتإذيني وبتإذي اللي حواليك بتنمرك بدون ما تعرف قصته ، وأهو قدامك بقيت زي القردة وباجي عشان أشوفك وأشوف الدكاترة وباقي الناس اللي اعرفهم مأنا عشرة قديمة معاهم بقاا وساعات أجي عشان اعمل التحاليل اللي بطمن بها عن نفسي كل فترة ،، عقباال مأنتي كمان تيجي زياارة ليهم وانتي بصحة وعافية♥️ أمل : يااارب يا جميلة،،، وحقيقي كلامك أثر فياا جداً ،بس أنا مش بعرف أرد ع الناس لا بحلو ولا وحش بقعد ع جنب أعيط ودموعي بتنزل تهبب الميكب فبيتريقوا زيادة .🥺 جميلة : بصي احنا متفقين نخرج النهاردة برا المستشفى نهائي وأنا بقولك ع ضمانتي أي حد هيبصلك كده ولا كده أنا اللي هتعامل وأتعلمي مني يعني هما ميعرفوش أحنا مين ولا ايه؟😎 أمل : خلي بالك أنا خرجت معاكي النهاردة بس عشان بحبك ومزعلكيش بس خايفة أوييي ..😟 جميلة : يوووه عليكي يا أمل عيشي اللحظة معاايا ويلا نفرح وفكك من كل ده...أنا معاكي متقلقي.. شوية متنمرين : عمالين يبصوا على أمل ويضحكوا بصوت عاالي ...🤭🤭 أمل وبصوت هيبدأ يعيط : انتي حتى لسة مكملتيش الجملة بصي يا جميلة بيبصوا عليااا ازاى أنا هقوم أروح أنا غلطانة إني خرجت💔 جميلة : يا بنتى يمكن بيضحكوا عادي مع نفسهم كبري دماغك ومتركزيش معاهم ..🤷 أمل : يمكن ..🙍 شوية المتنمرين : يا جدعان دي شبه هاني رمزي وهو في أبو العربي يمكن هو بس متنكر!😅 شوية ناس طيبة كانوا سامعين أمل وجميلة وهما بيتكلموا : على فكرة حرام عليكم تتريقوا على حد أنتوا متعرفوش ظروفه ايه " *يا أيها الذين آمنوا لا يسخر قومٌ من قومٍ* ".😐 جميلة بتحاول تهدي أمل لإنها بتعيط ..😔 بنت متنمرة : جات وشدت أمل من الباروكة فوقعت . باقي المتنمرين : بيضحكوا ..وبيقولوا مش قولنا هيطلع ولد ف الآخر أهي الباروكة وقعت...😄 جميلة قامت وهي منفعلة : ... باقي القصة في الword..