صحتك العقلية ولا مسئوليات الشغل؟

" صحتك العقلية ولا مسئوليات الشغل ؟ " الصحة العقلية هي الصحة العامة لكيفية تفكيرك وتنظيم مشاعرك وتصرفاتك. بيتعرض الناس في بعض الأحيان لاضطرابات كبيرة في الوظائف العقلية، دي ممكن يكون الشغل سبب من الأسباب البتخليك تحس بالتوتر يومي. 🤦🏾 دي شوية نصائح عشان نقدر نحقق التوازن بين الشغل وبين الصحة العقلية : - خت التلفون بعيد.. 📱 ايوا الموبايل بتاعك في وقت او ساعات راحتك خليهو كلو كلو و ريح عيونك و نفسك من إشعارات مواقع التواصل الاجتماعى و إزاعجها. 🔇 - زبط لي يوم الراحة أو اليوم الoff .. يوم الإجازة دا يوم مهم جدآ زي يوم الشغل، اعمل جدول بالأنشطة المحببة ليك في اليوم دا تعمل بيها شوية تغيير ✅️ - اكتب يا زول .. خلي عندك دفتر وقلم وأستعملهم يومياً في كتابة الحاجات البتحصل خلال يومك، تدوين اليوميات بيساعد على الشعور بالارتياح وتفريغ التوتر والانفعال 🗣 - خمسة وعشرين دقيقة بس .. استعمل تقنية *البومودورو* وهى تقنية بتعتمد على العمل أو الدراسة لمدة 25 دقيقة بس والراحة لمدة ثلاث أو خمس دقائق. 🕑 - يلا الحركة و الرياضة ديل مهمين شديييد.. أثبتت العديد من البحوث والدراسات أن للرياضة تأثير عظيم وإيجابي علي المخ وعلي الصحة العقلية والنفسية، ممكن تعمل تمارين قبل بداية الشغل بدري أو أثناء فترات الراحة. 🕺 آخر نقطة دي ما حتعجب ناس كتار يمكن 🫣 - ما تكتروا قهوة .. أثبتت الدراسات أنه اكتر من ثلاثة أكواب قهوة قد يزيد من التوتر والقلق وقد تسبب ليك مشاكل في النوم وفي التركيز، عشان كدا نركز و نعمل حسابنا ما نزيد عن كوب واحد أو أثنين. ☕️ #زول_صح #الصحة_العقلية #العمل_والصحة_العقلية #Zoal_Sah #mentalhealth #worklifebalance