محتوى توعية عن فطريات الفم عند الرضع

الالتهابات البكتيرية والفطرية عند الرضع والأطفال الموضوع الأساسى:- فطريات الفم عند الرضع والأطفال مكانه:- فيس بوك شكله:- مكتوب هدفه:- ٢٠٠ لايك - ٥٠ كومنت - ١٠ شير رسالة المحتوى:- كيفية الوقاية من فطريات الفم احتياجات الجمهور:- ام عندها طفل ظهر عنده فطريات ومش عايزة الموضوع يتكرر- أو ام بتدور على طرق تمنع بيها حدوث فطريات. مستواه التعليمي:- متوسط مستواه الثقافى :- عام الجنسية:- مصريين الموقع الجغرافي:- القاهرة المستوى المادى:- متوسط (٣٠٠٠ _ ٤٠٠٠) اللغة:- مصرية عامية دورى ورا عياط طفلك زن ابنك وعياطه ال مسبب لك قلق وتوتر ده مش من فراغ. ولو دورتى وراه أكيد هتلاقى حاجة من ضمن حاجات كتير ممكن يتعرض لها زى مثلاً فطريات الفم . وفطريات الفم تعتبر من الحالات الشائعة ال مفيش منها أى ضرر الا فى حالات ضعف المناعة ،أو لو لا قدر الله انها امتدت للجهاز الهضمى. وبتظهر أعراضها فى شكل قروح صفرا وبيضا فى باطن الفم، والشفة، وعلى اللسان تشبه الجبنة القريش. أو تشققات فى جانبى الفم والشفتين. وممكن تمتد للحلق، والمريء، ومنطقة الحفاض. وبتظهر فطريات الفم عند الرضع والأطفال لعدة أسباب:- تناول المضادات الحيوية لفترة طويلة، وده لأنها بتقتل الأنواع المفيدة من البكتيريا النافعة. ضعف الجهاز المناعي للرضع، وده لانه لسه مكتملش ومش جاهز لمقاومة الميكروبات والجراثيم. انتقال العدوى من الأم أو من أى طفل تانى. استخدام اللهاية وال بتكون مصدر قوى لنمو الفطريات فى الفم. وعشان تحمى طفلك من الفطريات:- استخدمي مضادات الفطريات الفموية. اشطفى الفم بالميه والملح. اكلى طفلك زبادى، خصوصا فى الفترة ال بيستخدم فيها مضادات حيوية. عقمى منطقة الحلمة بعد كل رضاعة وكمان الببرونات، واللهايات. كترى من الفاكهة، لتقوية جهاز المناعة. متنسيش شرب الميه بشكل متكرر. امسحى الفم بعد كل رضعه باستخدام الشاش. نظفى أسنانه يومياً. غيرى الحفاضة باستمرار، ومتسيبهاش وقت طويل. وأخيراً متقلقيش لو طفلك أتعرض للفطريات، لأنها زى ما قولنا مش مضرة إلا فى حالات معينة، وطبيعى كل طفل يمر بالمرحلة دى ولو لمرة واحدة فى عمره. أهم حاجة تكونى عارفة هتتصرفى ازاى وتوجهيها بدون خوف. شاركينا تجربة طفلك مع فطريات الفم وازاى اتعاملتى معاها.