كتابة اسكربت

#كراكيب - مالك يابنتى بتعيطى ليه؟ = مفيش - أكيد دى دموع الفرح عشان لقيتى شغل حلو صح ؟ = لا - طيب مالك؟ = أصل أنا بحب قعدت البيت والشغل هيخلنى أنزل كل يوم - اها دى هرمونات بقى؟ = لآء والله ابدا - طيب بصى لو خيروكى بين القعده ف البيت والشغل، هتختارى اي؟ = الشغل... لا لا البيت ... لاء مقارنه دى صعبه - طيب بصى، مش انتى طول عمرك نفسك يبقى ليكى كيان ويبقى معاكى فلوس كتير خاصه بيكى ؟ = ايوا طبعا أكيد - طيب يبقى لازم تشتغلى عشان تحققى حلمك = بصى من الآخر أنا صحتى على قدى ومش حمل شغل - يعنى هتلغى طموحك واحلامك ؟ = لا لا مين قال كده؟ الطموح أهم حاجه - جننتنى يابنتى! خلاص اتجوزى واحد يحققلك احلامك = جواز أى؟ انتى عاوزنى اخد مصروفى من واحد غريب ؟ - غريب اي؟ ماهو هيبقا جوزك = اها صح... بس لا لا أنا عاوزه يبقى ليا رصيد فى البنك - خلاص اشتغلى = بس مش عاوزه أتعب - خلاص اقعدى في البيت = كده مش هحقق احلامى - خلاص اشتغلى وحققى احلامك = عاوزه احققها من غير فرهده - خلاص اتجوزى وهو يحققهالك = لا أنا أقوى من أن واحد يحققلى احلامى - اشتغلى = مش هستحمل الشغل - متشتغليش = مش هيبقا ليا شخصيه مستقله - اشتغلى = الشغل فرهده وقرف - متشتغليش = لا مش هتنازل عن طموحى بسهوله كده - اشتغلى = يابنتى بقى - نعم ؟ = مممم أنا خلاص قررت - خير ؟ = أنا هتشغل - حلو اخير = بس ...؟ - أنا ماشيه = خدى بس - ياشيخه اسكتى بقى = هقولك يابت يابت - ..... = تعالى طيب - ..... = طيب شكرا ياللى كنت فاكراكى صحبتى، أنا كده هفضل لوحدى ومفيش حد احكيله عن طموحاتى ... #قلم_فيلسوفة