-احنا مختلفين في طباعنا و أفكارنا وطريقه تعاملنا مع المواقف المختلفة.
-مختلفين كمان في طريقة تعبيرنا عن حبنا واهتمامنا بصحابنا وأهلنا وشريك حياتنا.
-وده الـ وضحه الكاتب جاري تشابمان في كتابة لغات الحب الخمس، دكتور تشابمان لقى إن الناس بـ تتباين في الطريقه ال بـ يعبروا بيها عن حبهم للأشخاص القريبة منهم ولخص الطرق دي فـ خمس طرق و سماهم لغات الحب الخمس.
-أول لغه هى "تكريس المزيد الوقت"
يحاول صاحب هذه الطريقه، في جعل معظم وقته مخصص لهذا الشخص في طريقه للتعبير عن الحب، مهم جدا منح شريك حياتنا جزء فعال من وقتنا بحيث نسمعهم و نتتفاعل مع مشاكلهم ودا بيقوي العلاقه بشكل كبير.
-"كلمات التشجيع"
ودي تاني طريقه يعبر بها الناس عن حبهم
عن طريق المجامله وكلمات الثناء اللطيفه مع الحبيب واستند فيها لمقوله الكاتب الشهير مارك توين (استطيع أن اعيش لمده شهرين علي الثناء اللطيف).
-تالت نوع هو "تبادل الهدايا"
من اهم طرق التعبير عن الحب لأن الهديه بترسل معني اهتمام الشخص وتفكيره الدائم و محاولته لأنه يهديك شئ له قيمه بالنسبه لك.
-النوع الرابع "الأعمال الخدمية"
بيتكلم المؤلف هنا عن الأعمال الـ انت عارف إن شريك حياتك محتاجها فتقوم أنت تعملها كـ نوع من أنواع الإهتمام وتعبيراً عن الحب.
-النوع الخامس والاخير "الإتصال البدني"
اتكلم المؤلف عن أهمية الإتصال البدني وأنه وأحد من أهم طرق التعبير عن الحب وضرب مثال بالطفل الذي يُحتضن ويُحمل يعيش حياه أفضل في جميع النواحي.
-الـ عاوز أقوله هنا إن مهم نعرف أنهي لغة بـ نعبر بيها عن حبنا لأنه بالتأكيد ده هيساعدنا نقرب من بعض اكتر ونعيش أسعد.
-منشن لشريك حياتك وقولوا لبعض أنهي لغه حب بتعبروا بيها عن حبكم.
