المشروع ده بدأ لما كان عندي داتا مبيعات كبيرة وفيها تفاصيل كتير زي المدن، الفئات، الطلبات والشحن، لكن كان صعب جدًا أطلع منها صورة واضحة عن الأداء.
فقررت أشتغل على الداتا باستخدام SQL و Excel عشان أنظمها وأطلع منها أهم المؤشرات. بدأت بـ SQL في تنظيف البيانات واستخراج الأرقام الأساسية، وبعد كده استخدمت Excel عشان أبني داشبورد يوضح كل حاجة بشكل بسيط.
في الأول ركزت على الأرقام الرئيسية زي إجمالي المبيعات، عدد الطلبات، وعدد العملاء، عشان أفهم حجم البيزنس. بعد كده دخلت في تفاصيل الشحن، وبدأت أتابع الطلبات اللي اتسلمت في معادها، واللي اتأخرت، وكمان الطلبات اللي اتلغت أو اتشحنت بدري.
مع التحليل بدأت تظهر شوية ملاحظات مهمة، زي إن في نسبة من الطلبات بتتأخر أو بتتكنسل، وده ممكن يأثر على تجربة العميل. كمان كان واضح إن في مدن معينة بتحقق مبيعات أعلى بفرق كبير عن باقي المدن.
بعدها ركزت على الفئات (زي Furniture و Office Supplies و Technology) ولاحظت إن في فئة معينة مسيطرة على نسبة كبيرة من المبيعات، وده بيساعد في تحديد الأولويات.
كمان عملت مقارنة بين أعلى المدن في المبيعات وأقلهم، وده بيدي تصور واضح عن الأماكن اللي محتاجة تحسين أو فرص نمو.
في النهاية، الداشبورد بقى بيسهل جدًا متابعة الأداء، سواء من ناحية المبيعات أو الشحن أو العملاء، وبيخلي أي قرار مبني على أرقام واضحة بدل التوقعات
