📊 Pizza Sales Dashboard - Excel Project

المشروع بدأ معايا لما كان عندي داتا مبيعات لمطعم بيتزا، وكانت مجرد أرقام متفرقة وصعب يطلع منها أي قرار واضح. فقررت أشتغل عليها باستخدام SQL و Excel عشان أحولها لداشبورد يوضح الصورة كاملة. في البداية استخدمت SQL عشان أنضف الداتا وأستخرج منها الأرقام المهمة زي إجمالي الطلبات والإيرادات ومتوسط قيمة الأوردر. بعد كده نقلت الشغل على Excel وبدأت أبني الداشبورد باستخدام Pivot Tables و Pivot Charts. مع التحليل بدأت ألاحظ Patterns مهمة، زي إن الطلب بيزيد في الويك إند، وكمان في أوقات معينة خلال اليوم زي وقت الغدا وبالليل، وده بيساعد أي بيزنس ينظم شغله بشكل أفضل. بعد كده ركزت على المنتجات نفسها، وشوفت إيه الأكثر مبيعًا وإيه الأقل. لقيت إن في منتجات معينة بتجيب أغلب الإيرادات، وفي منتجات محتاجة إعادة نظر سواء في التسعير أو التسويق. كمان عملت تحليل حسب الفئات والأحجام، وده وضّح تفضيلات العملاء بشكل أكبر، زي إن الحجم الكبير هو الأكثر طلبًا، وإن فئة Classic كانت من أعلى الفئات مبيعًا. في النهاية، الداشبورد بقى أداة بسيطة وسريعة، أي حد يقدر من خلالها يفهم أداء البيزنس ويحدد نقاط القوة والضعف بدون تعقيد.