تصميم سوشيال ميديا

الفكرة من التصميم هنا إني ركزت على تجربة السفر نفسها مش بس الوجهة. استخدمت شكل شباك الطيارة في النص، وكأنه بيدي إحساس إنك بالفعل جوه الرحلة، وبصيت من الشباك لقيت معالم القاهرة زي الأهرامات، فده بيربط بين فكرة السفر والوصول للوجهة بشكل مباشر. وجود الطيارة وهي طالعة من بره وداخلة في المشهد بيدي إحساس بالحركة، وكأن الرحلة بدأت فعلًا، ومع الخط المتحرك وراها ده بيوضح مسار الطيران ويوصل فكرة إن الوصول سهل وسريع. اختيار اللون الأحمر كان مقصود علشان يجذب الانتباه بسرعة ويخلي التصميم مميز وسط باقي الإعلانات، مع الحفاظ على تباين واضح يخلي العناصر كلها باينة. حاولت أخلي التصميم بسيط ومركز على فكرة واحدة واضحة، وهي إنك تقدر تشوف وجهتك وتوصلها بسهولة، وكأنك بالفعل هناك من أول لحظة. وفي الآخر، إضافة "Apply Now" مع الموقع بتشجع العميل ياخد خطوة فعلية ويحجز أو يستفسر فورًا. بشكل عام، الهدف من التصميم إنه يدي إحساس إن الرحلة مش مجرد فكرة، دي تجربة بدأت بالفعل من أول ما تشوف الإعلان