poster redesign

الحمد لله فخور جدًا إني فزت بالمركز الأول في المسابقة دي للمرة الثالثة، ودي حاجة فعلًا تشرفني جدًا وفخور بيها. البوستر ده أخد مني تقريبًا يومين لـ3 أيام شغل متواصل. كنت بحاول أطلع أفضل حاجة ممكنة وأوصل لإحساس قريب من جنرة أفلام الغموض والتشويق، لأن ده أصلًا من أكتر أنواع الأفلام اللي بحبها. لما قررت أشارك، اخترت فيلم Nancy Drew بالذات. السبب إن البوستر الأصلي بتاعه ماكنش عاجبني بصريًا بالشكل الكفاية، فحبيت أتخيل لو اتعمله Upgrade بشكل سينمائي أقوى، ويكون فيه إحساس الميستري والتوتر والتشويق اللي يناسب القصة. حاولت أشتغل على الجو العام للبوستر بحيث يبقى فيه غموض وحكاية بتحصل حوالين الشخصية، وكل عنصر في التصميم يكون ليه دور يخدم الإحساس ده. الموضوع كان بالنسبة لي تحدي ممتع جدًا، خصوصًا إني بحب جدًا تصميم بوسترات الأفلام والـ cinematic style. الحمد لله النتيجة كانت إن التصميم كسب المركز الأول، ودي حاجة فرحتني جدًا وخلتني أحس إن التعب اللي اتبذل فيه كان مستاهل. قولولي رأيكم بصراحة في البوستر 🫵 وعجبكم الـ upgrade اللي اتعمل على الفكرة ولا لأ؟