في المشروع ده صمّمت لوجو لعيادة د. محمود سعد – عيادة أسنان.
الفكرة كانت إن الشعار يكون بسيط، مريح للعين، ويدّي إحساس بالنظافة والثقة من أول نظرة.
استخدمت شكل سن مرسوم بخط واحد بسيط، عشان يبقى واضح في كل المقاسات وسهل استخدامه على أي وسيط.
اللفات الدائرية حوالين السن بتمثّل العناية والحماية، وكأنها حركة احتواء حوالين ابتسامة المريض.
اعتمدت على تدرّجات الأزرق والسماوي لأنها ألوان مرتبطة بالهدوء والنظافة والمصداقية، ودي قيم أساسية لأي عيادة طبية.
الخط العربي في اسم الدكتور ناعم ودائري شوية، علشان يكسر رهبة عيادة الأسنان ويخلي الهوية أقرب للمريض وفي نفس الوقت يفضل مقروء بوضوح.
للشعار عملت اتنين variant رئيسيين:
Variant على خلفية بيضاء: مناسب للورقيات، الروشتات، الكروت، والمطبوعات اللي محتاجة شكل بسيط ونظيف.
Variant على خلفية كحلي غامق: مخصص أكتر للسوشيال ميديا والشاشات والإعلانات؛ الخلفية الغامقة بتبرز التدرجات الزرقاء وبتدي إحساس أقوى بالاحترافية.
الاتنين بيحافظوا على نفس العناصر والألوان، بحيث تفضل هوية العيادة ثابتة وواضحة في كل الاستخدامات.
