Maysour ERP – Inventory, Purchasing & Stock Management System
تفاصيل العمل
ميسور بالنسبالي مش مجرد سيستم بنيته، ولكن هو بالنسبالي تجربة ورحلة طويلة كفاحها انتهى بالنجاح. ورحلة طويلة بالنسبالي استمرت 5 أشهر متواصلة من السهر والعمل الشاق والصبر والجلد عشان يوصل للمستوى ده. الأبلكيشن لما بفتكره، أنا بيحصلي Brin Out ??? الفكرة منه إن العميل كان طالب حاجة شبه سهل، أبلكيشن يدير المخازن بتاعته ويكون فيه جزء محاسبي محترم. ولكن نظره مني على نظره منه، قولت له: "أنا هعملك الأسهل من سهل"، وقد كان. ومن هنا طلع اسم ميسور. قدرت أطبق مبادئ كتير جدًا في الأبلكيشن ده، ووجهتني تحديات كتير جدًا، ومن ضمنها الأحداث، وإن كل كلاس المفروض إنه بيتعامل مع كلاسات تانية كتير جدًا زي الإشعارات، الموردين، العملاء، والمخازن. وده خلاني في مرحلة إن الـ Architecture بتاعي يتعامل بـ Domain-Driven Design، بمعنى إن كل حدث لما بيتنفذ بيكون ليه كلاسات تانية مستمعين. لما الحدث بيتنفذ، كل كلاس بيقوم بمهمته. طبعًا ده أداني Scalability عالي جدًا. ولكن برغم ده، كان في تحديات أصعب، وهو إن السيستم بيتعامل مع أكتر من استراتيجية للحسابات والمخازن. مثال: عندنا مخزن بضريبة ومخزن تانية من غير ضريبة، وأنا لما بعمل تشيك على إن الفاتورة اللي هتطلع دي فاتورة ضريبة، لازم المنتج يروح للمخزن بضريبة، ومنها بيحصل إقرار ضريبة القيمة المضافة وحسابات كتير مش هدخلك فيها عزيزي القارئ. الملخص إن ده اللي خلاني أتعامل مع الـ Strategy Design Pattern بطريقة مختلفة تمامًا. ومن أقيم الحكم اللي اتعلمتها منه: إني مش هبني Back-End بـ Next.js تاني ههه
مهارات العمل
بطاقة العمل
طلب عمل مماثل
