تطبيق احسبها معمول علشان يساعدك تفهم فلوسك رايحة فين وجاية منين بدل ما تُفاجئ آخر الشهر إن جيبك فاضى ومش عارف ليه.
الفكرة كلها بتتلخّص فى 4 أجزاء رئيسية:
1) تسجيل المعاملات
كل مرة تصرف فلوس أو يجي لك دخل:
بتفتح التطبيق،
تختار نوع العملية (مصروف / دخل)،
تكتب المبلغ،
تحدد النوع (أكل – مواصلات – شغل – هدايا…)،
ولو حابب تضيف وصف يساعدك تفتكر بعد كدا تفاصيل المعاملة تقدر تعمل كدا .
2) إدارة العمليات
أى عملية غلط؟
ولا الرقم اتغير؟
ولا عايز تعمل تعديل بسيط؟
تقدر:
تعدل
تحذف
تضيف أى عملية فى أى وقت… كله تحت سيطرتك.
3) الإحصائيات
هنا السحر بيبدأ ✨
التطبيق بيجمع بيانات معاملاتك ويطلعلك:
أعلى أنواع صرف
مجموع مصاريفك
مجموع دخلك
الفرق بينهم
رسومات بيانية (Charts) توضح نمط الصرف
وكمان تقدر تشوف ده حسب:
اليوم
الأسبوع
الشهر
السنة
وتقدر كمان تفلتر حسب نوع المصروف نفسه.
4) التقارير
لو حابب تحتفظ بنسخة من معاملاتك:
تقدر تصدّر تقرير PDF
مفيد جدًا فى مراجعة مصاريف الشهر أو لو عايز ترتب ميزانيتك.
5) الإعدادات
علشان يبقى مناسب لكل الناس:
التطبيق يدعم العربى والإنجليزى
تقدر تبدّل بين الوضع الفاتح والداكن
تحدد العملة اللى يناسبك
وتعدل اسمك اللى بيظهر فى الواجهة الرئيسية.
6) كل ده محفوظ محليًا
يعنى:
مفيش إنترنت؟ مفيش مشكلة.
كل بياناتك مش بتخرج بره جهازك.
