شمعات عطريه

الفتيل وما أدراك ما الفتيل، لو قلنا أنه أهم جزء في الشمعة في وقت التصنيع أو الاستخدام مش هتكون مبالغة وتعالوا أقولكم ليه. الفتيل هو خيط قطني ١٠٠ ٪، بيكون مدفر وليه مقاسات مختلفة تناسب الأحجام المختلفة للشموع. بنستخدمه في شموع الحاويات والقوالب بأنواعها المختلفة،وبيكون الجزء المسؤل عن إنه يدوب الشمعة كلها لحد ما تنتهي. وعمر الشمعة وجودة انصهارها مقرون بالفتيل بدرجة كبيرة. طيب أنا كعميل إيه الحجات اللي المفروض أراعيها في استخدام الفتيل علشان أحافظ على شمعتي لوقت طويل؟ ١_لما تشتري شمعة تحدد للمصنع عايزها بفتيل طويل وليه شكل جمالي، ولا عايز فتيلها جاهز للاستخدام. ولو اشترتها بفتيل طويل مش مشكلة أبدا كل اللي عليك تقصه بطول نص سم بالاعتماد على النظر أو باستخدام مسطرة. وليه نص سم ؟🤔🤔 علشان اللهب يكون مناسب، وميكونش عالي أوي، ولا هادي أوي. ٢_نقص الجزء المحروق من الفتيل بعد كل استخدام علشان نحافط على الفتيل أطول وقت. وافتكر اننا بنحافظ على شمعتنا لما نستخدمها صح.