portoflio website

الموقع ده عبارة عن بورتفوليو شخصي عاملُه علشان يكون واجهة محترمة أقدر أقدم بيها نفسي وشغلي لأي عميل أو شركة. ركّزت فيه إن التصميم يكون بسيط وواضح، من غير تعقيد، لكن في نفس الوقت شكله نظيف ومرتب ويعكس أسلوبي في الشغل. استخدمت في تنفيذه HTML, CSS, JavaScript, Bootstrap، وكل جزء معمول بإيدي من الصفر، ومهتم إن الكود يكون خفيف وسهل التعديل، علشان لو في أي وقت حبيت أغير أي حاجة أو أضيف أقسام جديدة، الموضوع يكون سريع ومباشر. الميزة الأساسية في الموقع إنه متجاوب بالكامل؛ يعني سواء حد فتحه من موبايل، تابلت، لابتوب، أو شاشة كبيرة، هياخد نفس التجربة بدون ما يحصل أي لخبطة في التصميم أو المقاسات. وده جزء ركّزت فيه كويس لأن أغلب الناس بتتصفح من الموبايل. الموقع مقسّم لأجزاء واضحة: – قسم للتعريف بيا وبالمهارات اللي بشتغل عليها – قسم أعرض فيه المشاريع أو الشغل اللي عملته – قسم للخدمات اللي ممكن أقدمها – جزء للتواصل ولو أي عميل محتاج أقسام إضافية أو تعديل في الشكل أو الألوان، أقدر أعمل ده بسهولة لأن التصميم معمول بشكل مرن. الهدف من الموقع إنه يقدّم صورة واضحة عن شغلي ويخلي أي حد داخل عليه يعرف مستوايا وإيه الحاجات اللي أقدر أنفّذها، من غير ما يتوه أو يدوّر كتير.