Dashboard لإدارة الموظفين وتحليل معدلات ترك العمل – HR Analytics

في المشروع ده إحنا اشتغلنا على تصميم وبناء داشبورد كاملة لقسم الموارد البشرية في شركة تقنية، لكن على بيانات افتراضية. الهدف كان إن الإدارة تقدر تتابع كل المؤشرات المهمة الخاصة بالموظفين من مكان واحد وبشكل بسيط وواضح. بدأنا إننا نجمع البيانات ونرتبها، وبعدها صمّمنا ٤ صفحات أساسية في الـ Dashboard: صفحة Overview اللي بتعرض عدد الموظفين الكلي، وعدد النشيطين، وعدد الغير نشيطين، ومعدل الاستقالات، وكمان التطور الزمني لعدد الموظفين وتوزيعهم على الأقسام. بعد كده جه دور صفحة Demographics اللي وضّحنا فيها بيانات الأعمار، الحالة الاجتماعية، توزيع الموظفين حسب النوع، المراحل العمرية، الأعراق، ومتوسط الرواتب لكل فئة. صفحة Attrition ركزنا فيها على تحليل الاستقالات: نسبة الاستقالة حسب القسم والوظيفة، حسب السنين، حسب مدة الخبرة، وحسب عدد مرات السفر. وآخر صفحة كانت Performance Tracker اللي فيها تتبّع لرضا الموظفين عن شغلهم ومديرهم وبيئة العمل والتوازن بين الحياة والشغل، وكل ده حسب السنين. زدنا كمان Slicers للنوع، القسم، والوظيفة علشان المستخدم يفلتر البيانات بسهولة. استخدمنا Power BI – Excel – DAX واشتغلنا على التصميم بحيث يبقى بسيط وشيّك ويسهّل على الإدارة إنها تاخد قرار بسرعة. الداشبورد مناسبة لأي شركة محتاجة تتابع الموظفين، تفهم أسباب الاستقالات، وتحسّن أداء فريق الـ HR.