الشتا على الأبواب وموجة البرد قربت وأنت/ي مزنوق/ة ف زحمة المواصلات وفجأة
حد بيعطس جنبك، والتاني بيكح، وكل ثانية في عقلك بيدور نفس السؤال: هو الدور ده هييجيلي إمتى؟
📍الحقيقة إن في خطوة صغيرة ممكن تفرق بين:
– أسبوع كامل ضايع ما بين حرارة وصداع وكحة.
– أو إنك تكملي حياتك عادي وكأن مفيش حاجة اسمها إنفلونزا أصلاً.
الخطوة دي هي لقاح الإنفلونزا الموسمي – Influvac 💉.
🔹خليني اقولك ايه اللي بيحصل بعد التطعيم:
بعد ما يتاخد، جسمك يبدأ يكون Antibodies خلال أسبوعين تقريبًا. الأجسام دي بتتعامل كخط دفاع ضد الفيروسات اللي متوقع تنتشر في الموسم ده
(WHO بتحدّد السلالات كل سنة )
🔹ايه اللي يخلي اللقاح ده مهم أوي كده ؟
بيقلل بشكل كبير احتمالية الإصابة بالإنفلونزا.
حتى في حالة الإصابة، الأعراض بتكون أخف والمدة أقصر.
يحمي الفئات الأكثر عرضة: كبار السن، مرضى القلب والسكر والضغط، وأصحاب المناعة الضعيفة.
يقلل من مضاعفات خطيرة زي الالتهاب الرئوي، دخول المستشفى أو حتى الوفاة.
🔹طيب ايه هي الجرعة المناسبة لكل فئة ؟
جميع الأعمار: جرعة كاملة (Full syringe) مرة واحدة في السنة (SC أو IM).
الأطفال 6 شهور – 9 سنين:
• لو واخدين التطعيم قبل كدة هياخدو جرعة كاملة
• أول مرة يتطعموا هياخدو جرعتين بينهم 4 أسابيع
🔹هل في حالات ماينفعش فيها التطعيم ؟
طبعا فيه ، زي مثلا لو الشخص:
– عنده حساسية شديدة من مكونات اللقاح
– عنده ارتفاع حرارة أو عدوى وقت التطعيم → بيتأجل
🔹إيه اللي لازم ناخد بالنا منه ؟
– المناعة الضعيفة: ينفع ياخدوه لكن الاستجابة ممكن تكون أقل
– لازم يتاخد كل سنة لأن الفيروس بيتغير
🔹 والسؤال اللي الكل بيسأله هل ليه آثار جانبية ؟
أيوه ليه آثار جانبية بس خفيفة ومؤقتة زي مثلا :
– وجع بسيط مكان الحقن، صداع أو حرارة خفيفة، وبتختفي خلال أيام.
📌مهم تعرف أن
اللقاح مصنوع من فيروسات معطلة (Inactivated) → وبالتالي مستحيل يسبب المرض.
الشتا جاي، وإنت قدام اختيارين:
– تعيش أسبوع أو أكتر "Out of service" بسبب الإنفلونزا.
– أو تاخد خطوة ذكية تخليك مستعد للموسم ده من غير قلق.
متتردوش تكلمونا ، معاكم للرد علي استفساراتكم ٢٤ ساعة .
#Always_there_to_care
