تصميم و تنفيذ شبكات داخليه

أنا متخصص في تصميم وتنفيذ شبكات LAN الداخلية بداية من مرحلة الدراسة لحد التسليم النهائي. شغلي بيشمل: 1. المعاينة وتحليل الاحتياجات ببدأ بمعاينة الموقع بالكامل وعمل Site Survey علشان أحدد أماكن مسارات الكابلات، ونقاط الشبكة المطلوبة، ومكان الRack أو غرفة السيرفرات. بناءً على ده بحدد المتطلبات الفنية وأعمل تصور مبدئي للشبكة. 2. تصميم الشبكة بعد المعاينة، بضع تصميم هندسي كامل لتوزيع النقاط، وبحدد نوع الكابلات المناسبة سواء Cat6 أو Fiber، وبصمم هيكلة الVLANs لو محتاجة. كمان بحدد السويتشات المناسبة وبجهز خطة تنظيم الRack والكابلات. 3. تنفيذ البنية التحتية بنفّذ تمديد الكابلات بشكل احترافي داخل مواسير أو داكت، وبركب Faceplates وPatch Panels، وبرتب الكابلات داخل الRack بطريقة منظمة. كمان بعمل ترقيم كامل للكابلات علشان أسهّل الصيانة والمتابعة بعد كده. 4. إعداد وتظبيط الأجهزة بعد التنفيذ، ببدأ أعمل Configuration للسويتشات، بحدد الVLANs، وبجهز الـPorts، وبطبّق إعدادات الأمان الأساسية. ولو الشبكة محتاجة DHCP أو DNS بقدر أجهزهم حسب متطلبات العميل. 5. الاختبارات وضمان الجودة بختبر كل نقطة شبكة باستخدام أجهزة قياس متخصصة، وبتأكد إن السرعة والاستقرار ممتازين. وفي الآخر بجهز تقرير شامل بنتائج الاختبارات. 6. التسليم والمتابعة بعد ما أخلص، بسلم مخطط الشبكة النهائي (As-Built Diagram)، ومعاه تقرير الاختبارات، وبقدّم شرح بسيط للي هيدير الشبكة. ولو محتاجين دعم فني بعد التسليم بقدمه حسب الاتفاق.