حملة "كيمرع" – مصر المشرقة
- مشروع تخرّجي "كيمرع" هو أكتر من مجرد تصميم...
هو رحلة للبحث عن الحقيقة والجذور، ورسالة هدفها إننا نفتكر مين إحنا فعلاً.
الحملة كانت عن أصول الحضارة المصرية القديمة، وعن كل الشائعات اللي حاولت تنسب مجدها لغير المصريين — من أفكار "الأفروسنتريك" لحد نظريات "الفضائيين"!
أنا اشتغلت على تصميم حملة توعوية كاملة بترد على الكلام دا بالأدلة العلمية الحديثة زي تحليل الـDNA والدراسات الأثرية، وكل دا بأسلوب بصري حديث ومؤثر.
دوري في المشروع كان من أول البحث والتحليل، لحد تصميم الهوية البصرية الكاملة، الشعار، الألوان، المطبوعات، والبوسترات، وحتى تنفيذ الكتيب والمعرض النهائي.
حاولت أقدّم مصر زي ما هي دايمًا... كيمرع، يعني "مصر المشرقة" — حضارة بتتكلم عن نفسها، ومحتاجة بس اللي يعرضها بصدق وفخر.
