بدأ المشروع بهدف فهم أداء المبيعات في مطعم وجبات سريعة، من خلال تحويل بيانات خام غير منظمة إلى داشبورد تفاعلية واضحة وسهلة الفهم.
في البداية، استقبلت ملف المبيعات اللي كان فيه أخطاء كتير زي قيم ناقصة، مسافات زيادة، وعدم تطابق في أنواع البيانات.
فبدأت أول خطوة وهي تنظيف البيانات باستخدام Power Query.
قمت بمعالجة القيم المفقودة، وملء البيانات الناقصة في عمود transaction_type باستخدام منطق شرطي يعتمد على الوقت والمستلم (time_of_sale, received_by).
كمان استخدمت Text.Trim() لإزالة المسافات الزائدة ووحّدت تنسيقات الأعمدة عشان البيانات تبقى جاهزة للتحليل.
بعد كده دخلت على مرحلة التحليل باستخدام PivotTables.
بنيت 9 تحليلات أساسية علشان أفهم أداء المبيعات من كل زاوية، زي:
إجمالي المبيعات، الكميات المباعة، المبيعات حسب الوقت، المنتجات الأكثر مبيعًا، وعدد المعاملات حسب نوع الدفع والمستلم.
التحليلات دي ساعدتني أطلع أنماط واضحة في سلوك المبيعات وتوقيتاتها.
الخطوة الأخيرة كانت تصميم Dashboard احترافية على Excel.
استخدمت Charts متنوعة (Bar, Pie, Line) لعرض البيانات بطريقة جذابة وسهلة القراءة.
ضيفت بطاقات KPI في الأعلى لعرض أهم المؤشرات زي إجمالي المبيعات، إجمالي الكمية، ومتوسط العملية الواحدة.
واهتميت بتفاصيل التنسيق زي تثبيت الرؤوس (Freeze Panes) وضبط الأشكال بحيث ما تتحركش مع البيانات (Don’t move or size with cells) عشان الداشبورد تفضل ثابتة ومنظمة حتى مع التحديثات.
وفي النهاية، خرجت بلوحة بيانات ديناميكية واحترافية بتقدم رؤية شاملة وسريعة لأداء المبيعات، وتساعد في اتخاذ قرارات دقيقة لتحسين الأداء التجاري للمطعم.
