جتلي عميلة كانت عايزة لوحة كرتونية فنية مستوحاة من الحضارة المصرية القديمة، وتكون بتظهر اهتمام الملكات بالقطط بشكل رمزي وجذاب.
في البداية عرضت على العميلة كذا أسلوب رسم مختلف عشان تختار الأنسب لذوقها، وأخدت منها تفاصيل العمل اللي كانت عايزاها بشكل مبسط من غير تفاصيل كتير أو ألوان معقدة. اتفقنا من البداية على مواعيد متابعة دورية لمراجعة خطوات التنفيذ، وكنا محددين عدد معين من التعديلات في كل مرحلة.
عملتلها تصميم إليستريشن غني بالتفاصيل، ركزت فيه على التاج والزينة الملكية، وأضفت عناصر رمزية زي القط المقدس وأنوبيس وقرص الشمس، مع باليتة لونية مبهجة وتباين قوي يدي إحساس بالقوة والرهبة.
