اشتغلت على مشروع تحليل بيانات سوبرماركت باستخدام Power BI، وكان الهدف إني أستخرج منه أهم مؤشرات الأداء (KPIs) اللي توضح حالة المبيعات بشكل واضح وسهل الفهم.
بدأت بتنظيف وتنظيم البيانات، وبعدها أنشأت لوحات تفاعلية فيها كل التفاصيل المهمة — زي عدد الطلبات في كل فرع، والخريطة التفاعلية اللي بتوضح أماكن الماركتس وأدائها، وكمان تحليل لأنواع المنتجات علشان أحدد أكتر المنتجات اللي بتحقق أرباح فعلية.
النتائج وضّحت رؤى قوية عن الفروع الأعلى مبيعًا، والمنتجات اللي عليها طلب كبير، وكمان ساعدت في تحديد النقاط اللي محتاجة تطوير في بعض الفروع.
كان مشروع ممتع ، وقدر يربط الأرقام بالواقع بطريقة بصرية وسهلة، تخلي أي حد يقدر يفهم أداء السوبرماركت و نسبة الارباح بالنسبة للمنتجات و كمان بالنسبة للأسواق اللي مفتوحة في الخارج.
