منفذ عمره هديه

من نسخة أولية إلى تجربة احترافية – رحلتي مع تطوير تطبيق "منفذ عمره هدية" واحدة من أقوى التجارب اللي اشتغلت عليها مؤخرًا في الشركه الي انا موجود فيها كان تطوير شامل لتطبيق "منفذ عمره هدية". التطبيق كان موجود فعليًا، واستلمته بهدف واحد: تحويله من شكل تقليدي إلى منتج احترافي يليق بالمستخدم النهائي مع العلم اني ضيفت فيه اكتر من فيتشر قبل كدا بس التغيير الفعلي كان دلوقتي. من أول لحظة استلمت فيها ملف الـFigma الخاص بالتصميم الجديد، بدأت رحلة طويلة من التعديل، التحسين، والابتكار. إيه اللي اتعمل؟ خليني أقولك: إعادة تصميم واجهة المستخدم بالكامل (UI Redesign): كل تفصيلة في التطبيق اتغيرت. كل شاشة، كل زر، كل لون… بل حتى أسلوب التنقل نفسه اتغير بالكامل. في النسخة القديمة، التنقل كان بيعتمد على Bottom Navigation Bar فقط، لكن من ضمن الحاجات الي اتضافت في التصميم الجديد ان تم استبداله بـSide Menu حديث وسهل الاستخدام، وده كان تغيير جذري في هيكل التطبيق. تحسين تجربة المستخدم (UX) من الألف للياء: سواء في التسجيل أو التعديل أو التصفح، تم إعادة ترتيب الـUser Flow بالكامل لتقديم تجربة أكثر سلاسة. كل خطوة مدروسة بعناية لتكون واضحة وسهلة على المستخدم. دعم لغتين: التطبيق متاح باللغتين العربية والإنجليزية بشكل متكامل، وتم بالفعل تعديلات على ملفات الترجمه دون أي تأثير على التنسيق أو التجربة . إضافة نظام رفع صور متكامل بـ3 طرق: الكاميرا مباشرة. معرض الصور. مدير الملفات. ده أتاح مرونة جبارة للمستخدم في استخدام الخصائص المطلوبة بسهولة. تعديلات قوية على الـForm Validation: التحقق من صحة البريد الإلكتروني. تطابق كلمة المرور وتأكيدها. التحقق من رقم الهوية (سعودي يبدأ بـ1، غير سعودي يبدأ بـ2). التأكد من رقم الـIBAN (يبدأ بـSA + 22 رقم). التأكد من رفع كل الصور الإلزامية بشكل دقيق. تحسين أيقونات التطبيق على Android وiOS لتناسب الهوية الجديدة. تحسين كبير في السايكل الخاصة بطلبات العمرة واضافات جديده حصلت زي : عرض اسم كل مرحلة بوضوح أثناء تشغيل الفيديو. عرض الفيديوهات التي يتم رفعها من المستخدم. تنظيم مراحل السايكل رغم تعقيدها، وتقديمها بشكل بسيط وواضح. تعامل ذكي مع استجابات الباك اند: بدل ما المستخدم يشوف كل الـresponse، أصبح يشوف الرسائل المهمة فقط، بشكل نظيف واحترافي. عرض حالة الريكوست مباشرة من الـHome Screen. والأهم: تم إنجاز كل ده بتعاون مستمر ومثمر جدًا مع فريق الـBackend، لضمان تكامل سلس بين الواجهة الأمامية والبيانات. التطبيق دلوقتي متاح على Google Play وApp Store، والتحديثات الجديدة في مرحلة الرفع.