قمت بتنفيذ مشروع تجريبي (غير رسمي) لحملة سوشيال ميديا خاصة ببراند Raw African، وهو براند مصري لمنتجات طبيعية للعناية بالشعر والبشرة. الفكرة الأساسية كانت إني أقدم هوية بصرية بتعبر عن روح البراند من خلال تصميمات إبداعية تناسب جمهور السوشيال ميديا.
في الحملة ركزت على:
-إبراز شخصية البراند كمنتجات طبيعية وعلمية في نفس الوقت.
-المزج بين ألوان وأجواء مستوحاة من الطبيعة والثقافة الإفريقية.
-تصميم بوستات conceptual مع شوية photo manipulation عشان أوصل إحساس مختلف وجذاب.
-عرض المنتجات بشكل متكامل ضمن فكرة حملة صيفية "Summer Essentials Bundle".
المشروع كان فرصة أتمرن على دمج أساليب مختلفة من الجرافيك ديزاين عشان أخرج نتيجة بصرية قوية تعكس هوية البراند.
طريقة التنفيذ:
بدأت المشروع بجمع ريفرانس وبعدها عملت moodboard يحدد الاتجاه العام للحملة. استخدمت أدوات الذكاء الاصطناعي لتوليد بعض العناصر والخامات البصرية، وبعدها طورتها عن طريق photo manipulation ودمجتها مع صور المنتجات. كملت باقي التفاصيل باستخدام برامج Adobe من حيث الألوان، التايبوغرافي، والتكوين العام للتصميمات.
النتيجة كانت كفر رئيسي + 9 بوستات:
-6 بوستات مخصصة، كل واحد بيسلّط الضوء على منتج من منتجات الباندل.
-3 بوستات إضافية بأسلوب conceptual لدعم فكرة الحملة وإبراز روح البراند.
كل التصاميم اتجمعت في حملة صيفية بعنوان “Summer Essentials Bundle” بأسلوب موحّد يعكس هوية Raw African الطبيعية والإفريقية العصرية.
