تصميمات سوشيال ميديا سيارات

كنت بدوّر على طريقة أعرّف بيها الناس بعروض سيارات Elhendy Motors من غير ما أحسّسهم إنها مجرد إعلان تقليدي. بدأت أسأل نفسي: "لو أنا بشوف عربية لأول مرة على السوشيال ميديا، إيه اللي هيشدني؟" أكيد السعر، الشكل، والمقدم... بس لازم كمان التصميم يبقى ليه روح! بدأت أشتغل على كل موديل كأنه نجم منفرد. كل عربية ليها شخصية، لون، فئة، وسعر… وكل تفصيلة في التصميم لازم تعكس ده. اختارت لكل عربية خلفية معمولة مخصوص تعكس فئتها – العربية الرياضية غير الاقتصادية غير العائلية. اشتغلت على زاوية التصوير، التكوين، حتى الإضاءة – علشان كل عربية تظهر بأفضل شكل ممكن. الهدف كان إن العميل يبص للبوست ويعرف كل حاجة في ثانيتين: "موديل إيه؟ بكام؟ أقدّر أبدأ من كام؟" في الآخر، أنتجت حملة بتتكلم بلغة السوق، بس بتوقيع بصري احترافي يخلي العميل يثق في البراند... ويتحمّس يسأل. دي مش مجرد صور عربيات... دي طريقة تفكير، وتنفيذ، وتجربة كاملة معمولة بحب وفهم للسوق والجمهور.