تصميمات سوشيال ميديا لمنتجات شوكولاتة (سبريد & بار)

من الفكرة للصورة: كواليس تصميم حملة شوكولاتة (بار & سبريد) كل بوست في المشروع ده كان وراه تفكير، تجربة، وتفاصيل محسوبة بدقة عشان نوصل لتصميم "تحس بيه قبل ما تقراه". بدأنا من البريف: عندنا منتجين، كل واحد له شخصية مختلفة. Clavileño شوكولاتة بار فاخرة بدون سكر، بتستهدف جمهور واعي، بيدور على طعم غني وصحي. وKiddy، منتج سبريد وسناكس، مليان طاقة ومرح، موجه للأطفال والشباب. التحدي؟ نخلي الاتنين يطلعوا في حملة واحدة… لكن كل واحد يحكي حكايته. Clavileño: البداية كانت من الطعم نفسه. نِسَب كاكاو مختلفة، وZero Sugar… فاخترنا خلفية جبال كاكاو ممتدة، فيها إحساس بالنقاء، والعمق، والأصالة. الإضاءة ناعمة لكنها مركزة على البار، وكأنها لحظة سكون فيها قرار. الألوان: أزرق للثقة والهدوء بُني غامق يعبر عن الطعم الغني العناصر حوالين البار (بندق، كراميل، فواكه) طلّعناها بشكل واقعي 3D، تحسها حقيقية وجاهزة للأكل. Kiddy: أما هنا، فكان المطلوب العكس تمامًا… عايزين طاقة، حركة، طفولة. الخلفية حمرا جريئة، والمفرش الكاروهات كأنه من بيت جدتك، فيه دفء وألفة. كل حاجة بتطير حوالين المنتج – سناكس، شوكولاتة سايحة، بندق – علشان تحس إنك وسط اللحظة. الإضاءة أعلى، الكونتراست أقوى، والهدف: نبه العين… وافتح النفس. النتيجة؟ حملة واحدة… بطريقتين. كل منتج له صوته، شكله، وروحه. والأهم؟ إن التصميم بيحكي عن المنتج، قبل ما العميل يسأل عنه. لو بتدور على تصميم يحكي، مش بس "يعرض"… يبقى خلّي عندك شغف بالحكاية. وأنا جاهز أكتبها معاك.