أنا محمد صبحي هلال، كاتب سكربتات لحلقات يوتيوب طويلة وقصيرة، بحب أشتغل على المحتوى اللي بيشد الناس وبيخليهم يكملوا الفيديو للآخر من غير ما يحسوا بالوقت.
بكتب سكربتات بشكل بسيط وسلس، كأنك قاعد بتحكي مع صاحبك، لكن في نفس الوقت فيها شغل وترتيب وتفكير علشان تخرج الحلقة في أحسن صورة. بحاول دايمًا أخلي الكلام لايق على شخصية اللي بيقدّم، وكمان يكون فيه فرصة لحركات مونتاج، وانتقالات، وتأثيرات تزود التفاعل.
✅ اشتغلت على أنواع مختلفة من المحتوى، منها:
فيديوهات مراجعات أفلام أو مسلسلات بأسلوب خفيف وساخر
حلقات توثيقية عن حاجات حصلت زمان أو حاجات مش معروفة
فيديوهات تريند أو تحليلات
فيديوهات قصيرة (Shorts) بتوصل الفكرة في أقل من دقيقة
🎯 دايمًا بركز على:
أول 5 ثواني (اللي بيكسبوا المشاهد)
إن السكربت يبقى لايق على الأسلوب والطريقة اللي بيتكلم بيها اليوتيوبر
ترتيب الأفكار علشان الفيديو يفضل شادد لحد آخر ثانية
إضافة كوميديا خفيفة أو جُمل تعلق مع الناس
لو محتاج سكربت لحلقة يكون واضح وسهل، وفي نفس الوقت يشد ويفرق مع القناة، يبقى إحنا نشتغل مع بعض.
