في المشروع ده حبيت أشتغل على فكرة تعليمية وتفاعلية في نفس الوقت، فقررت أبني نموذج ثلاثي الأبعاد بيحاكي النظام الشمسي باستخدام HTML وCSS وJavaScript، بدون أي مكتبات خارجية.
الفكرة كانت إني أوضح حركة الكواكب حوالين الشمس بطريقة بسيطة وسلسة، مع إمكانية إن المستخدم يقدر يتحكم في طريقة العرض: يبدّل بين الشكل الثنائي والثلاثي الأبعاد، ويشوف السرعة المدارية لكل كوكب، ويغير المسافات أو الحجم حسب ما يحب.
كل حاجة في المشروع معمولة يدوي، من ترتيب المدارات لحد حركة الكواكب، واهتميت بالتفاصيل الصغيرة زي دوران الكوكب حوالين نفسه، وسرعة الدوران، علشان أوصل لأقرب شكل ممكن للواقع لكن يفضل خفيف وسريع على المتصفح.
المشروع مناسب جدًا لو حد حابب يضيف جزء تفاعلي علمي لموقعه، سواء كان موقع تعليمي، أو عرض تقديمي، أو حتى تجربة UX في مجال الفضاء.
التقنيات اللي استخدمتها:
HTML – CSS – JavaScript (Vanilla)
