الذكاء الاصطناعي وقد آيه مهم في حياتنا اليومية

أنا كتبت المقال ده علشان أشرح بطريقتي يعني إيه الذكاء الاصطناعي، وإزاي بقى جزء كبير من حياتنا. الذكاء الاصطناعي هو لما نخلي الأجهزة أو البرامج "تفكر" أو تشتغل لوحدها من غير ما الإنسان يتدخل كتير، وده بيحصل عن طريق برمجة معينة بتخلي الجهاز يتعلم ويحلل ويتصرف. بنشوفه حوالينا كل يوم من غير ما ناخد بالنا، زي لما نفتح الموبايل ونلاقي مساعد صوتي زي "سيري" أو "جوجل" بيرد علينا، أو لما ندخل على يوتيوب ونلاقي فيديوهات شبه اللي بنحبها، أو حتى في الكاميرات اللي بتتعرف على الوشوش. أنا شايفة إن الذكاء الاصطناعي مفيد جدًا، لأنه بيخلينا ننجز أسرع ويوفر وقت ومجهود، خصوصًا في التعليم والصحة والمرور. بس كمان فيه ناس بتخاف إنه ممكن ياخد مكان الإنسان في بعض الوظايف. في الآخر، أنا شايفة إن الذكاء الاصطناعي شيء قوي ومهم، بس لازم نستخدمه صح وبحكمه.