من أكتر الأخطاء اللي بتعرضلها شخصياً واللي بلاقي العديد من زمايلي وخصوصاً المبرمجين والمصممين هي الأخطاء اللغوية و الإملائية ..
وأكتر الأخطاء اللي قابلتني شيوعاً خصوصاً عندنا في مصر ..

1- خطأ الفرق بين همزة القطع وألف الوصل  ( أ - ا )

2- خطأ الفرق بين التاء المربوطة و الهاء ( ة و ه ) 

3- خطأ الفرق بين الياء والألف اللينة في بداية الكلام ( ي - ى )

واللي للأسف كنت بغلط فيهم أثناء محادثاتي مع العملاء ..
إلى أن اتصدمت في فيديوهات من سنتين تقريباً .. 
واتضح لي إني مش بعرف أكتب عربي مظبوط .. واللي اتصدمت بيه أكتر إني لقيت كمية أخطاء كتيرة جداً . موجودة على اليافطات في الشوارع و على المحلات التجارية .. ودا نتيجة إن المصممين اللي صمموا اللافتات دي للأسف محتاجين يراجعوا جزئية الكتابة باللغة العربية مرة تانية ..

------
علشان كدا انا لقيت 3 فيديوهات بإجمالي تقريباً 17 دقيقة .. بيلخصوا ال 3 أخطاء دول للمصممين ..

1- خطأ الفرق بين همزة القطع وألف الوصل  ( أ - ا )

2- خطأ الفرق بين التاء المربوطة و الهاء ( ة و ه )

3- خطأ الفرق بين الياء والألف اللينة في بداية الكلام ( ي - ى )

ممكن يكون أغلبنا عارف الكلام دا ..
لكن شوف كدا وراجع المحادثات بتاعتك .. أتوقع إنك ممكن تكون بتغلط فيهم إذا مش عارفهم ..

لو شايف إن فيه أخطاء في إملائية في المساهمة يا ريت تبلغني ..
ولو انت شايف إن فيه أي أخطاء بتقابلك والناس بتغلط فيها يا ريت تكتبها علشان نستفيد منها ..