كلنا مر علينا عميل بحكي: "بدي متجر بسيط… منتجات + كارت + طلب" وبعد أسبوع: - حالات طلب - فواتير PDF - إيميلات - إحصائيات - "ليش الزبون دخل وما اشترى؟" هون بتبلش القصة الحقيقية خليني أشارككم كيف عادة ببني نظام E-Commerce محترم بدون ما يتحول لكابوس. أولًا: خلي اليوزر يتفرج براحته - لا تسجيل - لا تعقيد - يتصفح ويقارن التسجيل يكون فقط عند Checkout، غير هيك اليوزر رح يهرب. ثانيًا: الطلب مش زر… الطلب رحلة Order Flow واضح: New → Pending → Paid → Delivered COD؟ تمام تحويل يدوي؟ تمام المهم كل حالة تكون مفهومة للإدمن والزبون. ثالثًا: الأدمن بده يحس إنه ماسك شركة لوحة التحكم لازم تجاوب أسئلة بسيطة: - كم بعت اليوم؟ - شو أكثر منتج انطلب؟ - مين دفع ومين لأ؟ - وين المصاري؟ Cards + Charts = إدمن مرتاح. رابعًا: الإيميل مش سبام الزبون يحب يحس إن السيستم شغال: - تأكيد الطلب - تأكيد الدفع - فاتورة PDF - إشعار التسليم خامسًا: الفضول المشروع ليش اليوزر: - شاف المنتج - أضافه للكارت - واختفى؟ هون بيجي دور تتبع السلوك: - Most Viewed - Abandoned Cart - Best Sellers مش للتجسس… للتحسين. التقنيات اللي بستخدمها غالبًا: - Asp .NET Core - SQL Server - HTML, CSS, Bootstrap - JavaScript, jQuery - PDF Invoices - Clean Architecture الخلاصة: E-Commerce ناجح ≠ كود كثير E-Commerce ناجح = تجربة واضحة + لوحة تحكم ذكية لو حابين أشارك: - أخطاء وقعت فيها - تصميم قاعدة البيانات - أو ليش التعديلات ما بتخلص بعد التسليم نقاشكم يهمني كمال السباح – مطوّر .NET بحاول يعيش بسلام