تعالَ أقولك إزاي تعرف مستوى شركتك وتحميها من المخاطر وتاخد القرار الصح! طب بص كده واسأل نفسك: > إنت عارف شركتك كسبانة ولا خسرانة؟ عندك فكرة مين أكتر عميل بيشتري منك؟ وإيه المنتج اللي بيبيع كويس وإيه اللي راكن مكانه؟ لو مش عارف تجاوب على الأسئلة دي، يبقى انت محتاج داش بورد... تعال أشرحلك يعني إيه داش بورد أصلاً؟ ببساطة، الداش بورد دي شاشة بتجمعلك كل البيانات المهمة بتاعة شغلك في مكان واحد، وتعرضها بشكل رسومي سهل وواضح زي الجداول والرسومات البيانية. يعني بدل ما تقعد تقلب في فايلات وتقارير ومبيعات كتير... الداش بورد بتقولك كل حاجه وانت قاعد مرتاح قدام اللاب طيب إيه فايدته بقى للشركة؟ خليني أقولك على شوية حاجات: 1. بتعرفك شركتك رايحة فين من أول لمحة، هتعرف المبيعات عاملة إيه، والمصاريف قد إيه، والمكسب فين والخسارة فين. 2. بتساعدك تاخد قرار وانت مطمن يعني بدل ما تقرر من دماغك أو تحزر، هتبقى شايف البيانات قدامك وتقدر تقول: "آه القرار ده هو الصح!" 3. بتحذرك لو في مشكلة جاية لو في منتج بيقل عليه الطلب، أو عميل كبير بطّل يشتري منك، الداش بورد هتشدك من قميصك وتقولك: "خلي بالك يا نجم في حاجه مش مظبوطة!" 4. بتخلي فريقك يشتغل بذكاء كل واحد في التيم هيبقى عارف دوره وشايف نتيجته على الشاشة، والناس تشتغل بتركيز أكتر. طيب إزاي شكل الداش بورد بيكون؟ زي لوحة قيادة عربية، فيها كل المؤشرات: مبيعات يومية وشهرية وسنوية أكتر المنتجات اللي بتتبيع أداء الفروع المختلفة أرباح وخساير وممكن كمان نسبة رضا العملاء! وكل ده معمول برسومات حلوة وألوان بتخليك تفهم البيانات في ثواني. طب سؤال بقى: > نفسك تمسك شغلك كده من أول وجديد وتفهم كل حاجه بتحصل؟ نفسك تعرف تاخد قرارات وانت متأكد مليون في الميه إنها صح؟ نفسك تسبق منافسينك بخطوة؟ يبقى لازم تبدأ تفكر تعمل داش بورد احترافي لشركتك أو مشروعك. ملخص الكلام: الداش بورد مش رفاهية... دي أداة إنقاذ ونجاح لأي بيزنس. كل رقم ليه معنى، وكل معلومة ممكن تغير مصير الشركة. لو عايز أساعدك تعمل واحدة بنفسك أو تكون مصممة على Excel أو Power BI بشكل احترافي، ابعتلي وأنا أقولك نبدأ منين